Kalurahan Kepek

“Ojo ketungkul marang kalungguhan kadonyan lan kemareman” (Sunan Kali jaga)

SIDASAMEKTA KEPEK - Desa Kepek ingkang sakwetawis nggadahi manekawarna potensi soho SDM ingkang mumpuni, sae menika potensi pendidikan, potensi sosial kemasyarakatan, potensi ekonomi produktif saha potensi budaya sakwetawis ndadosaken Desa Kepek minangka patokan / barometer kagem desa-desa sanesipun, mboten namung wonten ing tlatah Gunungkidul nanging saking saindenging tlatah Nuswantara.

Estunipun awrat tumrap Desa Kepek, jalaran  tantangan saklajengipun langkung ageng. Pengaruh tekhnologi informasi saha kebebasan ngaturaken pemanggih nggadahi pengaruh ingkang ageng tumrap warga masyarakat, langkung-langkung generasi muda. Kemajengan tekhnologi inkang cepet menawi mboten dipun imbangi kalian sumber daya manusia ingkang mumpuni saha pola pikir ingkang sae saget ndadosaken  manungsa lumebet wonten ing jurang kasangsaran. Tekhnologi saget pun umpamekaken gegaman ingkang landhep. Menawi pun ginaaken kanthi sae lan leres saget nuwuhaken manfaat ingkang ageng, ewa semanten menawi cak-cakanipun mboten leres saget ndadosaken bebaya kagem warga masyarakat.

Ewa semanten Pemerintah Desa Kepek ingkang dipun sengkuyung sedaya warga masyarakat sampun manunggal ing tekad nglestantunaken menopo ingkang sampun dipun gadahi Desa Kepek, kepara ningkataken ingkang langkung sae. Kanti hasesanti Hamemayu Hayuning Bawana sedaya warga masyarakat Desa Kepek sumadya ndadosaken Desa Kepek ingkang pinunjul senadyan menika mboten gampil, jalaran pepalangipiun ugi sakklangkung awrat.  

[1] Ndadosaken kawontenan ingkang sae menika langkung sae.