Kalurahan Kepek

SIDASAMEKTA KEPEK - Potensi Sumber Daya Manusia: Sedaya ngakeni bilih Desa Kepek nggadahi potensi sumber daya manusia ingkang mumpuni kagem kemajenganing desa.  Sakwetawis kathah priyagung luhur  ingkang nggadahi panguwaos, sae ingkang wonten ing wilayah saha OPD Kabupaten Gunungkidul, ingkang sedayanipun sumadyo ngorbanaken wekdal, penggalih, tenaga saha bea kagem Desa Kepek. Sedayanipun menawi sampun kempal manunggal mboten mbenten mbentenaken ing antawis priyagung luhur saha warga umumipun, wontenipun namung warga masyarakat Desa Kepek.

Potensi Pendidikan:
Desa Kepek nggadahi potensi Pendidiakan ingkang luar biasa. Wiwit saking PAUD, TK, SD, SLTP, SLTA  saha Perguruan Tinggi sedaya wonten ing Desa Kepek.  Sedaya  wau ndadosaken tingkat pendidikan warga masyarakat Desa Kepek langkung inggil. Kepara mboten wonten warga ingkang mboten saget maca lan nulis, utawi pun wastani Desa Kepek bebas 3 B (buta aksara, buta angka, buta bahasa). Kawontenan warga masyarakat ingkang berpendidikan menika temtunipun nggampilaken pemerintah desa anggenipun mbiwaraaken menapa ingkang dados visi, misi saha program Pemerintah Desa, lan  temtunipun saget ngemutaken dumateng Pemerintah Desa mbok bilih wonten klentuning lampah.