Kalurahan Kepek

SIDASAMEKTA KEPEK - Kejawi Kampung Tahu ing Padukuhan Sumbermulyo Kelurahan Kepekmsentra industri bakpia lan kelompok kerajinan batik, taksih kathah potensi potensi ekonomi ing tlatah Desa Kepek. Kanti wontenipun sekolah–sekolah saha perkantoran ing tlatah Desa Kepek, mbikak peluang usaha kagem Warga kepek damel kos-kosan lan warung. Desa Kepek ugi nggadahi Pasar Pitik lan Pasar Manuk ing tlatah Padukuhan Kepek II, minangka punjering dol tinuku kewan unggas ing Gunungkidul ingkang sakwetawis  pengelolanipun langsung saking Dinas Pasar Kabupaten Gunungkidul. Sakperangan wonten malih Taman Kuliner minangka punjering  jajanan kuliner ing Gunungkidul.

Sedaya gegayuhan ingkang luhur kangge Desa Kepek,  mboten perkawis ingkang gampil. Sedayanipun mbetahaken pangurbanan ingkang ageng, sae menika penggalihan, wekdal, tenaga saha bandha. Pemerintah Desa Kepek, sinengkuyung sedaya  warga masyarakat sampun  manunggal ing tekad, nggayuh menapa  ingkang dados kekudanganipun,  injih menika gesang ingkang langkung sae, kawontenan ingkang aman, makmur lan sentoso, slamet saking sedoyo rubedo.